Yaxın günlərdə Rusiya prezidenti Putinin Türkiyəyə səfəri gözlənilir.
Azpost.info bildirir ki, bu barədə “Yeni Şafak” qəzeti məlumat yayıb. Səfər Rusiya-Türkiyə arasında yüksək səviyyəli görüşlə bağlı Ərdoğanın dəvəti əsasındadır.
Qəzet qeyd edir ki, sabah Rusiyanın Baş nazirinin müavini Aleksanr Novakın rəhbərliyi ilə nümayəndə heyəti gələcək. Onlar Türkiyənin iqtisadi sahə üzrə qurumları ilə görüşəcəklər.
Rusiyalı biznezmenlər Türkiyəyə sərmayə imkanlarını nəzərdən keçirəcəklər.
Bu görüş əsasında Türkiyə və Rusiya dövlət başçılarının görüşünə hazırlıq müzakirə olunacaq. “Ərdoğan telefon danışığı zamanı Putini Türkiyəyə dəvət edib. Bununla bağlı yaxın günlərdə Putinin Türkiyəyə səfəri gözlənilir”-deyə qəzet bildirib.
Novakla danışıqların bir mövzusu da malların daşınması ilə bağlı olacaq. “İki ölkə arasında ticarətin həcmi ötən il 33 milyrad dollar olub. 2022-ci ildən enmə başlanıb. Nəqliyyat problemlərinin həlli və ticarətin həcminin artması üçün müzakirələr aparılacaq”-deyə “Yeni Şafak” yazıb.
