“Rusiya prezidenti Vladimir Putin və ordu generalı Sergey Surovikin Ukraynada taktikalarını dəyişiblər”.
Azpost.info xəbər verir ki, bunu Rusiya Dumasının Müdafiə komitəsinin üzvü Andrey Qurulyov “Teleqram” kanalında bildirib.
Onun sözlərinə görə, Rusiya hərbçiləri, o cümlədən kəşfiyyat bölmələri daha operativ fəaliyyət göstərməyə və mövcud vəziyyətdən nəticə çıxarmağa başlayıb.
“Ordu döyüşməyi, səhvləri etiraf etməyi, təhlil etməyi, nəticə çıxarmağı öyrəndi, fərqli vəziyyətə keçdi,”, – Qurulyov yazıb.
Deputat qeyd edib ki, səfərbərlik düşmənə xeyli ziyan vuran yeni bölmələrin yaradılmasına gətirib çıxarıb: “Zəruri avadanlıqların olması səbəbindən kəşfiyyat daha yaxşı işləməyə başlayıb. Təxribat-kəşfiyyat qruplarının müəyyən edilərək məhv edilməsi istiqamətində də fəal iş aparılır”.
Azpost.info
