Britaniya hökuməti Rusiya Dövlət Televiziya və Radio Yayımları Şirkətinə, həmçinin ölkənin bir qrup jurnalistinə qarşı sanksiyalar tətbiq edib.
Azpost.info xəbər verir ki, siyahıda jurnalist Nailə Əsgərzadə, hərbi müxbirlər Yevgeni Poddubnı, Aleksandr Kots, Dmitri Steşin, teleaparıcı Mixail Leontyev də var.
Onların Britaniyaya girişinə qadağa qoyulub, bank hesablarının (aşkar edilərsə) dondurulmasına qərar verilib. Sanksiyalara həmçinin Rusiya prezidentinin köməkçisi, Birinci kanalın Direktorlar Şurasının sədri Maksim Oreşkin də məruz qalıb.
Britaniya eyni zamanda Rusiya biznesinə qarşı da sanksiyaları gücləndirilib. “KamAZ”, “Otkritiye” və “Sovkombank”a yeni məhdudiyyətlər tətbiq edilib.
Azpost.info
