“Ukraynada baş verənlər təkcə ruslara qarşı deyil, həm də Rusiyanın digər xalqlarına qarşı yönəlib”.
Azpost.info xəbər verir ki, bunu Rusiya prezidenti Vladimir Putin bildirib.
Onun sözlərinə görə, bu gün Qərb rusofobiya, irqçilik və neonasizmin digər formalarına sadiqdir.
“Bu gün rusofobiya, irqçilik və neonasizmin digər formaları demək olar ki, Qərbin hakim elitasının rəsmi ideologiyasına çevrilib. Onlar təkcə ruslara qarşı deyil, həm də Rusiyanın bütün xalqlarına qarşı yönəlib: tatarlara, çeçenlərə, avarlara, tuvinlərə, başqırdlara, buryatlara, yakutlara, osetinlərə, yəhudilərə, inquşlara, altaylara”, – prezident deyib.
Putin qeyd edib ki, Qərb Rusiya kimi böyük və çoxmillətli ölkə istəmir: “Qərb irqçiləri və müstəmləkəçiləri Rusiyada mövcud olan mədəniyyətlərin, adət-ənənələrin, dillərin və etnik qrupların vəhdətini dərk edə bilmirlər”.
Azpost.info
