“Qərb ölkələri Rusiyaya qarşı “ikinci cəbhə” açmaq və Abxaziya və Cənubi Osetiyada qeyri-sabitlik yaratmaq cəhdlərini dayandırmırlar”.
Azpost.info bildirir ki, bu sözləri Rusiyanın XİN başçısı Lavrov İstanbulda 3+3 platforması çərçivəsində keçirdiyi mətbuat konfransında bəyan edib.
“Gürcüstana gəlincə, çox ciddi problemlərdən biri Qərbin Rusiyaya qarşı ikinci cəbhə açmaq cəhdləridir. Onlar yenidən “barıt çəlləyini” yandırmaq, Abxaziya və Cənubi Osetiyada vəziyyəti qeyri-sabit etmək niyyətindərilər” – deyə nazir qeyd edib.
Onun sözlərinə görə, burada müşahidə olunan risklərin əksəriyyəti Qərbin öz təsirini maksimuma çatdırmaq və Rusiyanın Cənubi Qafqaz ölkələri ilə bərabərhüquqlu, qarşılıqlı faydalı əməkdaşlıq imkanlarını sarsıtmaq cəhdləri ilə bağlıdır.
