“Qərb siyasətçilərinin səviyyəsi durmadan aşağı düşür”.
Azpost.info xəbər verir ki, bunu Rusiya Təhlükəsizlik Şurasının sədr müavini Dmitri Medvedev deyib.
Onun sözlərinə görə, artıq Avropa ölkələrinin liderləri arasında Marqaret Tetçer, Helmut Kol və Jak Şirak miqyaslı siyasi xadimlər yoxdur: “Heç kim inciməsin, amma hər kəsə aydındır ki, Mario Dragi Silvio Berluskoni, Olaf Şolts isə Angela Merkel deyil. Ukrayna səfiri kansler Kolu “incimiş qaraciyər kolbasası” adlandıra bilərdimi? Yaxud Ukraynanın hazırkı prezidenti Şirakla görüşə yaşıl futbolkada gələrdi? Əlbəttə, yox. Mən hələ müxtəlif siyasi marginallardan, patentləşdirilmiş rusofoblardan danışmıram”.
Medvedev hesab edir ki, Avropa siyasətində problemlərin yaranmasına səbəb Avropa İttifaqının ABŞ-dan artan asılılığıdır. “Şarl de Qoll istənilən Amerika prezidentinə etiraz edə bilərdi. Bəs indi avropalılardan hansı əli titrəmədən bunu edər? Gələcək haqqında düşünmürlər…”.
Onun fikrincə, siyasi kadrların deqradasiyası ABŞ-da da müşahidə olunur.
Azpost.info
