BMT-nin baş katibi Antoniu Qutteraş regional və beynəlxalq qüvvələri erməni-azərbaycanlı münaqişəsi zonasında təcili atəşin dayandırılması üçün köməyə çağırıb.
Azpost.info bildirir ki, bu barədə onun rəsmi nümayəndəsi Stefan Dyucarrik bəyan edib.
BMT baş katibi Qarabağdakı münaqişə zamanı mülki şəxslərin yaşadığı yerlərin atəşə tutulmasından ciddi narahat olduğunu deyib.
“Baş katib bir daha bildirir ki, münaqişənin hərbi həll yolu yoxdur. O, tərəfləri hərbi əməliyyatı dayandırmağa çağırır”-deyə Dyucarrikin bəyanatında vurğulanır.
