Azərbaycanın Qarabağ bölgəsində müvəqqəti yerləşdirilən rusiyalı sülhməramlılar Rusiyada keçiriləcək prezident seçkiləri ilə bağlı vaxtından əvvəl səs veriblər.
Bu barədə məlumatı Rusiyanın Azərbaycandakı Səfirliyi öz “X” hesabında paylaşıb.
Seçki martın 11-13-ü Səfirlik əməkdaşları tərəfindən sülhməramlıların dislokasiya olduğu ərazilərdə səyyar qaydada təşkil edilib.
“Göstərilən yardıma görə Azərbaycan hakimiyyətinə minnətdarlığımızı bildiririk”, – deyə məlumatda qeyd olunub.
Xatırladaq ki, Rusiyada prezident seçkiləri martın 17-də baş tutacaq.
