“Ermənistanın Müstəqillik haqqında Bəyannaməsində preambulasında Qarabağın birləşdirilməsi əsas istiqamət kimi qoyulub. Dağlıq Qarabağ və Ermənistan Respublikasının birləşdirilməsi qərarı nə deməkdir? Gələcəkdə siyasətimizi buna əsaslandıracağıq? Əgər belədirsə, onda biz hansı sülhdən danışırıq? Bu o deməkdir ki, sülh mümkün deyil”.
Azpost.info bildirir ki, bu sözləri Ermənistanın baş naziri Nikol Paşinyan fevralın 7-də parlamendin iclasında çıxışı zamanı bildirib.
Paşinyan Ermənistanın Müstəqillik Bəyannaməsində qeyd olunun siyasi hədəflərin qeyri-müəyyən olduğunu deyib.
“Həmin Bəyannamədə 3 əsas istiqamət göstərilib – Erməni xalqının arzuları, tarixi ədalət və Dağlıq Qarabağ məsələsi. Bəs bu tarixi ədalət nə deməkdir? Bunun müxtəlif izahları ola bilər, problem də bundadır. Ermənistanda müxtəlif siyasi qüvvələr və qruplar “tarixi ədalət” dedikdə tamam başqa şeyləri başa düşürlər”.
Paşinyan deyib ki, ermənilər tarixi ədalət arzusunu dövlətimizin əsasına qoyub, amma tarixi ədalətin nə olduğunu formalaşdırmayıb: “Erməni xalqı nə istəyir? Erməni xalqı Argentinada, ABŞ-da, Rusiyada, İranda, İsraildə yaşayır, orada yaşayan erməni xalqının arzularının eyni olduğuna əminikmi? Əgər buna əminiksə, o zaman bu harada formalaşıb?”
“Biz müstəqilliyimizin ilk illərindən başlayaraq hadisələrin sonrakı inkişafı ilə bitən faciəvi şəraitə görə indi əlimizdə olan nəhəng məlumatları emal etməli və dərk etməliyik. Mən bu barədə 2020, 2021, 2022-ci illərdə danışmışam. Məqsəd odur ki, dövlətimizin məzmununda mövcud olan daxili ziddiyyətləri, fikir ayrılıqlarını müəyyən etməli, bunun nə demək olduğunu başa düşməliyik”-deyə baş nazir vurğulayıb.
“Dağlıq Qarabağ və Ermənistan Respublikasının birləşdirilməsi qərarı nə deməkdir? Gələcəkdə siyasətimizi buna əsaslandıracağıq? Əgər belədirsə, biz hansı sülhdən danışırıq? Bu o deməkdir ki, sülh mümkün deyil. Bu müzakirənin başqa bir şeylə əlaqəsi yoxdur, bizim müzakirəmizdir. Biz bu günümüzdən, sabahımızdan, gələcəyimizdən danışırıq”, – Paşinyan bildirib.
Azpost.info
