“Azərbaycanla Qarabağ probleminin həlli ilə bağlı intensiv danışıqlar gedir”.
Azpost.info bildirir ki, bu sözləri Ermənistanın Baş naziri Nikol Paşinyan Vladivastokda Putinin iştirakı ilə keçirilən Şərq İqtisadi Forumunda çıxışı zamanı bildirib.
Onun sözlərinə görə, bu məsələdə Rusiyanın təkcə Ermənistanın strateji müttəfiqi kimi deyil, həm də Azərbaycanın yaxın tərəfdaşı kimi dəstəyinə ümid edir: “Qarabağ probleminin həlli ilə məşğul olan ATƏT-in Minsk qrupunun həmsədri kimi Rusiya Federasiyasının da rolunu xüsusi qeyd etmək istərdim”.
Paşinyan Türkiyə ilə əlaqələrin normallaşmasında Moskvanın dəstəyini qiymətləndirib: “Biz Rusiyaınn dəstəyi ilə Türkiyə ilə münasibətləri yaxşılaşdıracağımıza ümid edirik”.
“Türkiyə ilə danışıqlar başlayıb, ümid edirik ki, Rusiyanın dəstəyi ilə Türkiyə ilə münasibətləri yaxşılaşdıracağıq”-deyə Paşinyan vurğulayıb.
