Dondurma
Qastroenteroloq Yekaterina Kaşux RİA Novosti-yə verdiyi açıqlamada dondurmanın boğaz ağrısının simptomlarını müvəqqəti olaraq aradan qaldıra biləcəyini bildirib. AzPost xəbər verir ki, Kaşuxun sözlərinə görə, soyuq dondurma iltihablı boğazı soyudaraq ağrını azaltmağa kömək edir və tonzillit simptomlarını bir müddət yüngülləşdirir.
Mütəxəssis vurğulayıb ki, dondurmanın aşağı temperaturu boğazdakı sinir uclarının həssaslığını azaldaraq müvəqqəti analjezik təsir göstərir. Bundan əlavə, sərin dondurma boğazın selikli qişasını örtür, qıcıqlanmış toxumaları sakitləşdirir, bəzən isə şişkinlik və iltihabın azalmasına təsir edir, bu da udmağı asanlaşdırır.
Lakin Kaşux diqqət çəkib ki, dondurma boğaz ağrısının səbəbi olan streptokok və ya virus infeksiyalarını müalicə etmir. Effektiv müalicə üçün bakterial infeksiyalar zamanı antibiotiklərdən, virus infeksiyalarında isə antiviral preparatlardan istifadə olunmalıdır.
Ekspert xəbərdarlıq edir ki, boğaz ağrısını yalnız dondurma ilə müalicə etmək xəstəliyin ağırlaşmasına səbəb ola bilər və həkimə müraciət vacibdir.
Beləliklə, dondurma sadəcə boğaz ağrısını müvəqqəti yüngülləşdirən vasitədir və həkim məsləhəti olmadan əsas müalicə kimi istifadə edilməməlidir.
