Qazaxıstan prezidenti Rusiyaya qarşı sanksiya rejiminə əməl edəcəyini bəyan edib.
Azpost.info RİA-ya istinadən bildirir ki, bu barədə prezident Kasım-Jomart Tokayev Almaniya kansleri Olaf Şolzla görüşündə deyib.
“Qazaxıstan açıq şəkildə bəyan edib ki, sanksiyalar rejiminə əməl edəcək. Sanksiya rejiminə riayət etmək üçün müvafiq təşkilatlarla əlaqəmiz var. Almaniya tərəfində sanksiyalar rejimindən yan keçməyə yönəlmiş mümkün hərəkətlərlə bağlı heç bir narahatlıq olmamalıdır”, – Qazaxıstan lideri bildirib.
Ötən ilin fevralından Avropa İttifaqı Rusiyaya qarşı 11 sanksiya paketi qəbul edib. Bunlardan sonuncusu bu ilin iyununda qüvvəyə minib.
Qeyri-rəsmi medianın məlumatına görə, yeni məhdudlaşdırıcı tədbirlər oktyabr-noyabr aylarında razılaşdırıla bilər.
Azpost.info
