Qazaxıstanda aztəminatlı vətəndaşların sayı artıb.
Azpost.info xəbər verir ki, bunu ölkənin əmək və əhalinin sosial müdafiəsi naziri Tamara Duysenova bildirib.
Onun sözlərinə görə, ötən il yoxsulluq 4,9 faiz, bu il isə 5,1 faiz olub.
“Yüksək inflyasiya vətəndaşları gəlirdən məhrum edir. Vətəndaşlar pullarının böyük hissəsini ərzaq almağa sərf edirlər. İndi pulun 60-70 faizi yeməyə xərclənir. Beləliklə, ailənin gələcək inkişafı üçün qalan vəsait azalır. Təbii ki, bu vəziyyət hər bir ailənin büdcəsinə təsir edir”, – nazir deyib.
2022-ci ilin sonunda Qazaxıstanda inflyasiya 20,3 faiz təşkil edib. Buna ən çox təsir edən ərzaq qiymətlərindəki 25 faizlik artım olub.
Azpost.info
