Skip to content
cropped-cropped-logo.png

Analitik İnternet Portalı

Primary Menu
  • Siyasət
  • Dünya
  • Müsahibə
  • İqtisadiyyat
  • Araşdırma
  • Gündəm
  • İdman
  • Media
  • Şou Biznes
  • Sosial
  • Redaksiya Siyasəti
Light/Dark Button
  • İqtisadiyyat

Qlobal bazarlarda vəziyyət necədir?

Orkhan Ali 08 Yanvar 2026 - 11:30 (Last updated: 08 Yanvar 2026 - 11:22)
İnvestisiya

İnvestisiya

ABŞ-da açıqlanan qarışıq iqtisadi göstəricilər və Prezident Donald Trampın sosial şəbəkələrdə bir sıra mövzularda verdiyi açıqlamalardan sonra Wall Street-də nikbinlik zəifləyib. Tramp ölkədə mənzil problemini həll etmək məqsədilə institusional investorların tək ailəli evləri almasını qadağan edəcəyini bildirib, eyni zamanda müdafiə şirkətlərinin səhmlərin geri alınmasını məhdudlaşdıran sərəncam imzalayıb. AzPost xəbər verir ki, bu qərarlar və ABŞ-dan gələn məlumatlar bazarlardakı müsbət gözləntiləri xeyli azaltdı.

ABŞ prezidentinin institusional investorların ölkədə ev almasını məhdudlaşdıracağına dair açıqlaması daşınmaz əmlak sektoru ilə bağlı səhmlərin ucuzlaşmasına səbəb olub. Eyni zamanda Trampın müdafiə şirkətlərinə dividend ödəməyə və ya səhmlərin geri alınmasına icazə verilməyəcəyi ilə bağlı xəbərlər bu sahədəki şirkətlərin səhmlərinə də mənfi təsir göstərib. Hər iki sektordakı itkilər ümumi bazara da yayılıb.

Bununla yanaşı, Trampın Venesuelanın milyonlarla barrel nefti ABŞ-a təhvil verəcəyi barədə açıqlaması Valero Energy Corp. kimi neft emalı şirkətlərinin səhmlərini bir ara təxminən 5 faiz yüksəldərək rekord səviyyəyə çatdırıb.

Çərşənbə günü S&P 500 indeksi 0,3 faiz geriləyib, Nasdaq 100 isə müsbət zonada yatay bağlanış edib. ABŞ-da açıqlanan dekabr ayı ISM xidmət sektoru göstəriciləri son bir ildən artıq dövrdə ən sürətli artımı qeydə alıb. Tələbin güclənməsi və məşğulluqdakı bərpanın təsiri ilə ABŞ Xəzinə istiqrazlarında yüksəliş tempi zəifləyib.

ADP Research-in yaydığı məlumatlara görə, dekabr ayında məşğulluq mülayim templə artsa da, 2026-cı ilə doğru artım sürətinin zəiflədiyi müşahidə olunur. Bu göstəricilər istiqraz bazarı tərəfindən nisbətən müsbət qarşılanıb. 10 illik istiqrazların gəlirliliyi 4,14 faizə enib, Avropanın əksər ölkələrində də gəlirliliklər aşağı düşüb. Swap bazarları isə 2026-cı ildə Federal Ehtiyat Sisteminin iki dəfə 0,25 faiz bəndi həcmində faiz endirimi edəcəyini qiymətləndirir. Bazarlar hazırda cümə günü açıqlanacaq dekabr ayı üzrə kənd təsərrüfatı xaric məşğulluq göstəricisini gözləyir.

Evercore ISI şirkətinin qiymətləndirməsinə görə, son məlumatlar Federal Ehtiyat Sisteminin növbəti iclasında faiz dərəcələrini sabit saxlayacağını göstərir. Marco Kasiraqhi imzalı qeyddə bildirilib ki, əgər məşğulluq hesabatı əmək bazarının zəiflədiyini, lakin çökmədiyini ortaya qoyarsa, Fed yanvar iclasında faizləri dəyişməyəcək, çünki dekabr ayındakı son endirimdən sonra qısamüddətli əlavə endirim üçün tələb olunan hədd daha yüksəkdir.

ABŞ-ın açıqlamalarından sonra Venesuela xam neftinin tədarükünün davam edəcəyi gözləntisi ilə çərşənbə günü itkilərini artıran neft qiymətləri sonradan toparlanıb. Brent markalı neft əvvəlki iki sessiyada 3 faiz ucuzlaşdıqdan sonra bir barrel üçün 60 dolların üzərində ticarət olunub, WTI isə 56 dollar ətrafında qərarlaşıb.

ABŞ və Avropada fyuçers indeksləri cüzi enişdədir, Asiya birjaları isə ardıcıl ikinci gündür ki, geriləyir. Sinqapurda yerləşən Syfe Pte şirkətinin investisiya direktoru Riteş Qaneriwal bildirib ki, yeni ilin ilk tam həftəsində bazarlar istiqamət tapmaqda çətinlik çəkir. Onun sözlərinə görə, investorlar dekabr ayı məşğulluq məlumatlarını və bu həftəsonu ABŞ Ali Məhkəməsinin gömrük rüsumları ilə bağlı qərarını gözləyərkən, qiymət hərəkətlərinin əsas hərəkətverici qüvvəsi yaxınlaşan maliyyə hesabatları olacaq. Bloomberg Dollar İndeksi isə hazırda dəyişməz qalır.

AzPost.az

Post navigation

Previous: Külək Elektrik Stansiyasının rəsmi açılış mərasimi keçirilib
Next: Tramp hərbi büdcəni artırdı və 66 beynəlxalq təşkilatdan çıxdı

Oxşar xəbərlər

valyuta
  • İqtisadiyyat

Dolların bu günə olan məzənnəsi

User 20 Noyabr 2026 - 09:25
qida01
  • İqtisadiyyat

Azərbaycanda ən çox bu ərzaqlar bahalaşıb – Qiymətlərdəki artımın detalları

User 19 Noyabr 2026 - 13:49
Bank Respublika
  • İqtisadiyyat

Bank Respublika-nın yeni səhmdarları kimlərdir? – Açıqlama

User 19 Noyabr 2026 - 11:51

xƏBƏR

olum vefat
  • Maraqlı

İnsan ölərkən beynində nə baş verir? – Alimlər qeyri-adi aktivlik qeydə aldı

User 20 Noyabr 2026 - 20:00
Alimlər ilk dəfə insanın həyatının son anlarında beynin aktiv qalmasına dair obyektiv məlumatlar əldə ediblər. Bu müşahidə...
Read more about İnsan ölərkən beynində nə baş verir? – Alimlər qeyri-adi aktivlik qeydə aldı
Qarın piyləri qadınlarda diabet riskini 7 dəfə artırır –araşdırma Pəhriz
  • Maraqlı

Qarın piyləri qadınlarda diabet riskini 7 dəfə artırır –araşdırma

User 20 Noyabr 2026 - 19:45
ABŞ Avropada terror xəbərdarlığı yayıb – Milad yarmarkaları risk altındadır Avropa
  • Dünya

ABŞ Avropada terror xəbərdarlığı yayıb – Milad yarmarkaları risk altındadır

User 20 Noyabr 2026 - 19:33
“Müxalifət Azərbaycanla sülhə mane olur” – Ermənistan parlamentinin sədrindən ittiham errmeni spiker rubinyan
  • Dünya

“Müxalifət Azərbaycanla sülhə mane olur” – Ermənistan parlamentinin sədrindən ittiham

User 20 Noyabr 2026 - 19:16
Tramp İrana yeni zərbələr barədə qərarı təxirə saldı – Yanvarın 1-dən sonranı gözləyir Tramp
  • Dünya

Tramp İrana yeni zərbələr barədə qərarı təxirə saldı – Yanvarın 1-dən sonranı gözləyir

User 20 Noyabr 2026 - 19:04
  • Haqqımızda
  • Əlaqə
Copyright © Bütün hüquqlar qorunur | ReviewNews by AF themes.