Çeçenistanın rəhbəri Ramzan Kadırov “Quran”ı yandırmış 19 yaşlı Nikita Juravel ilə görüşündən fraqment paylaşıb.
Azpost.info bildirir ki, söhbət zamanı Nikita İslam dinini öyrənmək istədiyini bildirib. Amma Ramzan Kadırov ona inanmayıb.
“Sən bunu ürəkdən demirsən. Gözlər harasa başqa istiqamətə baxır” deyə Kadırov ona cavab verib.
Çeçenistanın rəhbəri Telegram kanalında yazıb ki, o, Nikitanın gələcəkdə müsəlman olmaq istəyinin səmimiliyinə şübhə edir. Çünki Juraveldə möhkəmlik və niyyət əminliyi hiss etməyib. Əvizində qeyri-müəyyənlik və birbaşa cavablardan yayınmağa cəhdlər var.
“Bu, Qərbin demokratiya və söz azadlığının müdafiəçisi kimi təqdim etmək istəyəcəyi Avropa xüsusi xidmət orqanlarının üslubunda fəaliyyət göstərən açıq təxribatçıdır”, – deyə Kadırov əlavə edib.
Xatırladaq ki, Volqoqrad vilayətinin sakini Nikita Juravel bu ilin may ayında Volqaqradda məscidi yaxınlığında Quranın yandırılması ilə bağlı cinayət məcəlləsinin iki maddəsi ilə (148-ci maddənin 2-ci hissəsi və 213-cü maddənin 2-ci hissəsi) ittiham olunur.
Həbs edildikdən sonra gənc etiraf edib ki, Ukrayna xüsusi xidmət orqanları bu hərəkətinə görə ona 10 min rubl vəd ediblər.
Daha sonra o, oktyabrın 13-də cinayət işinin məhkəməsi başlayacaq Qroznıya göndərilib. Çeçenistan imamları işdə zərərçəkmiş kimi tanınıb.
Azpost.info
