İspaniya “Real Madrid”inin sabiq futbolçusu İko Agilar vəfat edib.
“Report”un klubun rəsmi saytına istinadən verdiyi məlumata görə, keçmiş hücumçu 71 yaşında dünyasını dəyişib.
Qeyd edək ki, İko Agilar paytaxt komandasının formasını 1971 – 1979-cu illərdə geyinib. O, 190 oyuna 5 qol vurub, 5 dəfə İspaniya çempionu və 2 dəfə ölkə kubokunun sahibi olub. Mərhum forvard “Rasinq”, “Sportinq” və “Rayo Valyekano”da da çıxış edib. Agilar İspaniya yığmasında 3 oyuna 1 qol vurub.
