Rişi Sunak Ukraynaya gedir

Böyük Britaniyanın Baş naziri Rişi Sunak bu gün Ukraynaya səfər edəcək.

Bu barədə Britaniya hökuməti məlumat yayıb.

Bildirilib ki, Rişi Sunak Ukrayna Prezidenti Vladimir Zelenski ilə görüşmək və bu ölkəyə yeni hərbi dəstək paketini açıqlamaq üçün Ukraynaya səfər edəcək.

“İki ildir ki, Ukrayna Rusiyanın qəddar işğalını dəf etmək üçün böyük cəsarətlə mübarizə aparır. Onlar hələ də öz ölkələrini, azadlıq və demokratiya prinsiplərini müdafiə etmək əzmində sarsılmaz şəkildə, qətiyyətlə mübarizə aparırlar.

Mən bu gün bir mesajla buradayam: Böyük Britaniya da boş dayanmayacaq. Biz Ukraynanın ən qaranlıq saatlarında və gələcək ən yaxşı vaxtlarında yanında olacağıq. Böyük Britaniya artıq Ukraynanın ən yaxın tərəfdaşlarından biridir, çünki biz onların təhlükəsizliyinin öz təhlükəsizliyimiz olduğunu bilirik. Bu gün biz daha da irəliləyirik – hərbi yardımımızı artırırıq, minlərlə ən müasir pilotsuz uçuş aparatı çatdırırıq və Ukraynaya uzunmüddətli dövr üçün ehtiyacı olan təminatları təmin etmək üçün tarixi yeni Təhlükəsizlik Müqaviləsi imzalayırıq”, – Britaniya Baş nazirinin açıqlamasında deyilir.

Mətbuatın xəbərinə görə, Böyük Britaniya gələn il Ukrayna üçün hərbi maliyyəni 2,5 milyard funt-sterlinqə qədər artıracaq və pilotsuz uçuş aparatlarının təminatı ilə bağlı öhdəliyini dəstəkləyəcək.

Qeyd edilikdiyi kimi Böyük Britaniya və Ukraynanın təhlükəsizlik sahəsində yeni əməkdaşlıq sazişi imzalayacağı da gözlənilir. (APA)

Əvvəlki məqalə

Xankəndidə silah-sursat aşkarlanıb

Sonrakı məqalə

Jurnalist Səbuhi Məmmədlinin vəziyyəti yenidən pisləşib