Azərbaycan Velosiped İdmanı Federasiyasının (AzVİF) daha bir vitse-prezidentinin adına aydınlıq gəlib.
Bu, Robert Eyyubovdur.
R.Eyyubov ötən ilin dekabrın 8-də, İcraiyyə Komitəsinin növbədənkənar iclasında federasiyanın vitse-prezidenti seçilib.
Məlumatı AzVİF-in mətbuat xidməti təsdiqləyib.
Qeyd edək ki, AzVİF-in 3 vitse-prezidenti var. Birinci vitse-prezident iqtisadiyyat nazirinin müavini Sahib Ələkbərov, ikinci isə Azərbaycan Dövlət Bədən Tərbiyəsi və İdman Akademiyasının (ADBTİA) rektoru Fuad Hacıyevdir. (fanat.az)
