Rusiyanın sənaye, istehsalat və kənd təsərrüfatında doldurulmamış vakansiyaların sayı 560 mini keçib.
Azpost.info xəbər verir ki, ümumilikdə, ölkə üzrə məşğulluq mərkəzləri sistemində 1,6 milyon vakant yer var.
Bu məlumatlar Əmək Nazirliyinin Ümumrusiya Əmək Yarmarkası ərəfəsində tərtib edilmiş “Rusiyada işləmək. Fürsətlər vaxtı” adlı sənəddə əksini tapıb.
Eyni zamanda, sənaye və istehsalatdakı iş yerləri yüksək maaşlı təkliflərin sayına görə lider olub: 200 min rubldan çox əmək haqqı ilə 1,9 min vəzifə. Xidmət sektorunda 197, tikinti sahəsində 513, İT sahəsində 178 belə vakant yer var.
Həmçinin sənaye sektorunda 27 mindən çox vakansiya açılıb. Sənayedə ən çox tələb olunan peşələr istehsal və kənd təsərrüfatı avadanlıqlarının mexaniki (təxminən 87 min vakant yer), qəlibçilər, qaynaqçılar, rulonçular (46 mindən çox), eləcə də alət ustaları, dəzgahçılar və tənzimləyicilərdir (41 minə yaxın).
Bundan başqa, yeyinti, ağac emalı, toxuculuq və geyim sənayesi (76 mindən çox vakant yer), sürücülər (72 min) və mobil avadanlıq operatorları (təxminən 48 min) işçilərinə yüksək tələbat qalmaqdadır.
Əmək Nazirliyinin məlumatına görə, sənayedəki açıq vakansiyalardan ən yüksək maaş alanlar bunlardır: Yakutiyada istehsal üzrə baş mühəndisin müavini (476,650 rubldan), eyni bölgədəki soyuducu qurğuların mexaniki (350 min rubldan), həm də Saxalin vilayətində lift operatoru (330 min rubldan).
Azpost.info
