Rusiya Dumasının spikeri Vyaçeslav Volodin qanunvericiliyə Beynəlxalq Cinayət Məhkəməsinin (BCM) istənilən fəaliyyətinin qadağan edilməsi və ona yardıma görə cəza tətbiq ilə bağlı dəyişiklik etməyi təklif edib.
Azpost.info xəbər verir ki, o, həmçinin dost ölkələrlə BCM ilə əməkdaşlıqdan imtinanı nəzərdə tutan ikitərəfli müqavilələrin bağlanmasına çağırıb.
“Həmçinin ölkəmizdə BCM-nin təbliği və dəstəklənməsi üçün məsuliyyət nəzərdə tutulmalıdır”, – Volodin deyib.
Volodin həmçinin qeyd edib ki, beynəlxalq strukturlar Rusiya Konstitusiyasının normalarına zidd qərarlar qəbul edərsə, ölkənin Ali Baş Komandanı rusları müdafiə etmək üçün istənilən addımı atmaq hüququna malik olmalıdır.
Azpost.info
