“İran Rusiya ilə viza rejimini ləğv etməyə hazırdır”.
Azpost.info xəbər verir ki, bunu İranın xarici işlər naziri Hüseyn Əmir Abdullahian Tehranda rusiyalı həmkarı Sergey Lavrovla danışıqlardan sonra keçirilən mətbuat konfransında deyib.
Onun sözlərinə görə, Tehran ölkələr arasında ticarətin artımını stimullaşdırmaq üçün ilk növbədə iş adamlarına viza rejimini ləğv etmək istəyir: “Biz iki ölkə arasında vizaların ləğvi məsələsində əməkdaşlığı müzakirə etdik. İran iki ölkə arasında vizanı ləğv etməyə hazırdır. İlk addım olaraq və ticarət əlaqələrini artırmaq üçün iş adamlarına vizaların ləğvini müzakirə etdik”.
Lavrov Rusiya ilə İran arasında ticarət dövriyyəsinin artdığını deyib. Onun sözlərinə görə, 2021-ci ilin sonuna ölkələr arasında ticarət dövriyyəsi artaraq 4 milyard dollardan çox olub: “Trend bu il də davam edir”.
Azpost.info
