ABŞ-ın Rusiya ilə yeni “soyuq müharibəsi” çox kədərli nəticələrə gətirib çıxara bilər.
Azpost.info bildirir ki, bu barədə ABŞ kəşfiyyatının veteranı, Corctaun Universitetinin təhlükəsizlik məsələləri üzrə Mərkəzinin elmi əməkdaşı Pol Pillar “The National Interest” qəzetində yazdığı məqaləsində bildirib.
Pillar əvvələr Mərkəzi Kəşfiyyat İdarəsinin Yaxın Şərq, Fars körfəzi və Cənubi Asiya regionu üzrə analitik hissəyə rəhbərik edib.
Onun sözlərinə görə, rəsmi Vaşinqton Rusiyanın zəiflətmək barədə açıq bəyanatlar verir. Bu niyyət isə ABŞ üçün iki böyük problem yaradır: “Birincisi, belə antirusiya əhvalı Moskvanın əlinə oynayır. Rusiya Qərbdən ona təhlükənin gəlməsi barədə həmişə danışıb. Ağ Ev indi bu sözləri faktik olaraq təsdiq etdi. İkincisi, Bayden administrasiyasının belə bəyanatları Ukrayna ətrafında vəziyyəti tənzimləməyi çətinləşdirir – deyə müəllif bildirib.
“Mahiyyət etibarı ilə ABŞ Rusiyaya yeni “soyuq müharibə” elan edib” – deyə Pillar yazıb.
“Bu hərəkət beynəlxalq təhlükəsizliklə ziddiyyət təşkil edir. Davamlı böhran təhlükəsi bunun əsl müharibəyə keçmək təhıükəsi yaradacaq. Bu isə qlobal problemlərin həllini çətinləşdirəcək”.
“Rusiya ilə yeni “soyuq müharibə” əvvəlki kimi yaxşı heç nə vəd eləmir. O, “birqütblü məqam”la bitməyəcək. Bu “soyuq müharibə” ümumiyyətlə bitməyə bilər”-deyə ekspert vurğulayıb.
Azpost.info
