Rusiya İsveçin 5 diplomatını ölkədən qovur.
Azpost.info xəbər verir ki, İsveçin Moskvadakı səfiri Malena Mard Rusiyaya qarşı qarşıdurma kursuna görə Xarici İşlər Nazirliyinə çağırılıb.
Ona beş İsveç diplomatının “persona non-qrata” elan edildiyi barədə məlumat verilib.
Rusiya həmçinin 2023-cü il sentyabrın 1-dən İsveçin Sankt-Peterburqdakı Baş Konsulluğunun fəaliyyətinə verdiyi razılığı geri götürür. Rusiyanın Göteborqdakı Baş Konsulluğunun da fəaliyyətinə xitam verilir.
Rusiya XİN ölkənin İsveçdəki xarici nümayəndəliklərinin beş əməkdaşının ölkədən çıxarılmasını Stokholmun açıq-aşkar düşmən addımı kimi qiymətləndirdiyini bildirib.
“İsveç hakimiyyətinin hərəkətləri aşağı səviyyədə olan ikitərəfli münasibətlərdəki vəziyyəti daha da gərginləşdirib”, – Rusiya XİN qeyd edib.
Azpost.info
