Rusiya milyardlıq bazarını itirdi- Qərb birjaları rus metallarını almaqdan imtina etdi

Rusiyanın əsas tədarükçüsü olduğu üç metal indi iki dünya birjasında – London və Çikaqoda qadağan edilib.

Azpost.info xəbər verir ki, Rusiya dünya üzrə nikelin 6, alüminiumun 5 və misin 4 faizini istehsal edir.

Cümə günü ABŞ və İngiltərənin alüminium, nikel və misə qarşı sanksiyalar tətbiq etməsindən sonra dünya qiymətlərinin müəyyənləşdiyi əsas bazar olan London Metal Birjası (LME) aprelin 13-dən etibarən istehsal olunan məhsulların öz anbarlarına qəbulunu dayandıracağını açıqlayıb.

Rusiya Ukraynaya qarşı müharibə apardığı son iki ildə bu metalların ixracından 40 milyard dollar qazanıb.

“Britaniyalı tərəfdaşlarımızla əməkdaşlıq çərçivəsində əsas rus metallarına tətbiq etdiyimiz yeni qadağamızın məqsədi Rusiyanın o gəlirdən məhrum edilməsidir. Rusiya Ukraynada amansız müharibəsini davam etdirmək üçün həm də bu gəlirdən istifadə edirdi”, – ABŞ-ın maliyyə naziri Canet Yellen bildirib.

“Avropa və Amerika bazarlarında Rusiya metallarının mövcudluğu daha da azala bilər və qlobal ticarət axınları da dəyişəcək” – “Bloomberg” analitiklərə istinadən yazıb.

İndi yeni Rusiya məhsulları yalnız bir birjanın – Şanxayın anbarlarına daxil ola biləcək.

Azpost.info

Əvvəlki məqalə

BQXK həbsdə olan erməni separatçılara baş çəkib

Sonrakı məqalə

Ramazan bayramında dəmir yolu ilə 46 mindən çox sərnişin daşınıb