“Rusiya ordusu Xarkov istiqamətində müdafiə xəttini yara bilməyib” –ZELENSKİ

“Ordumuz Xarkov vilayətində Rusiya hərbçilərinə hazırda olduğu mövqedən irəli getməyə imkan vermir. Onların irəlilədiyi ən uzaq məsafə cəmi 10 kilometdir. Cəbhənin müxtəlif istiqamətlərində isə irəliləyiş olmayıb”.

Bunu Ukrayna prezidenti Vladimir Zelenski bildirib.

O deyib ki, Silahlı Qüvvələrin və Birləşmiş Ordunun, eləcə də Sərhəd Qoşunlarının komandanları ilə müzakirələrdə ona cəbhə xəttindəki vəziyyətlə bağlı ətraflı məlumat verilib.

Ukrayna liderinin sözlərinə görə, Xarkov istiqamətinə müxtəlif batalyonlar cəlb edilməklə, bölgənin müdafiəsi gücləndirilib: “Rusiya ordusu bu istiqamətdə müdafiə xəttini yara bilməyib. Onların sərhəddə daha güclü silahlardan istifadə etməsi itkilərimizin sayını artırır. Məndə olan məlumata görə Rusiya əsgərləri hələ də oradakı mövqeyində qalmaqda davam edir. Birinci və ikinci atəş xətlərində bizim hərbçilər dayanıb, üçüncü müdafiə zonasında isə yerli sakinlərdən ibarət özünümüdafiə dəstələri keşik çəkir”.

V. Zelenski əlavə edib ki, hazırda Rusiya ordusu Volçansk şəhərində möhkəmlənməyə çalışır.

Əvvəlki məqalə

Polşada 300 il əvvəl yaşamış fırıldaqçının gizlətdiyi xəzinə tapılıb

Sonrakı məqalə

“Ana Kür” İctimai Birliyi regionda yaşıl düşüncənin təbliğinə başladı –