Rusiya ordusunda “təmizləmələrin” getdiyi, üç general və iki admiralın eyni anda vəzifələrindən qovulduğu iddia edilir.
Azpost.info xəbər verir ki, bu barədə Ukrayna mətbuatı öz mənbələrinə istinadən yazır.
Məlumata görə, qərb hərbi dairəsinin komandiri, general-polkovnik Aleksandr Juravlyov vəzifəsindən uzaqlaşdırılıb. O, 2018-ci ildən bu vəzifəni tuturdu, 2016-cı ildə isə Suriyadakı Rusiya qoşunlarına komandanlıq edirdi.
Şərq hərbi dairəsinin komandiri, general-polkovnik Aleksandr Çaykonun da vəzifədən azad edilməsi ilə bağlı təsdiqlənməmiş məlumatlar var. O, bu vəzifəyə 2021-ci ilin noyabrında təyin edilib. “Rus ordusunun işğalının birinci mərhələsinin uğursuzluğuna görə bu komandirlər günahlandırılacaq”, – məlumatda deyilir.
İzyum yaxınlığında qoşun qruplaşmasının komandiri, general-polkovnik Gennadi Jidkonun işdən çıxarılması barədə də məlumatlar var. O, 2021-ci ildə müdafiə nazirinin müavini, Silahlı Qüvvələrin Baş Hərbi-Siyasi İdarəsinin rəisi olub.
Azpost.info
