Rusiya Pakistana ilk xam neft partiyasını göndərib. Yük iyunun 12-də “Kəraçi” limanına çatıb.
Azpost.info info xəbər verir ki, bu barədə Pakistan Baş naziri Şahbaz Şərif bildirib.
“Mən millətə verdiyim vədlərdən daha birini yerinə yetirdim. Məmnuniyyətlə elan edirəm ki, endirimli Rusiya xam neftinin ilk yükü “Kəraçi”yə gəlib və sabah neftin boşaldılmasına başlanılacaq”, – o, “Tviter”də yazıb.
Şərifin sözlərinə görə, bu, Pakistan üçün əhəmiyyətli gündür: “Ölkə rifah, iqtisadi artım və enerji təhlükəsizliyi istiqamətində irəliləyir”.
Baş nazir həmçinin qeyd edib ki, neft tədarükü Moskva ilə İslamabad arasında yeni münasibətlərin başlanğıcıdır.
May ayında məlum olub ki, Pakistan Rusiyadan neft sifariş edib və uzunmüddətli müqavilə bağlamağı təklif edib. Lakin yerli İslamabad 30-40 faiz endirim tələb edib, həmçinin ödənişi yuanla həyata keçirib. Rusiya tərəfi Pakistanın niyyətlərinin ciddiliyinə şübhə ilə yanaşdığı üçün prosesi bir çatdırılma ilə məhdudlaşdırmaq qərarına gəlib.
Aİ, ABŞ və Böyük Britaniyanın neft embarqosu tətbiq etməsindən sonra Rusiya Asiyaya neft ixracını yenidən istiqamətləndirmək məcburiyyətində qaldı. Analitiklərin hesablamalarına görə, Çin və Hindistan Rusiya neftinin ən böyük alıcıları oldular – 2023-cü ilin mayında onlar rekord 110 milyon barel idxal ediblər. Bu, əvvəlki ayla müqayisədə təxminən 10 faiz çoxdur.
Azpost.info
