Praqadakı Rusiya səfirliyi artıq “Ukrayna Qəhrəmanları” küçəsində yerləşir.
Azpost.info xəbər verir ki, bu barədə Ukraynanın Çexiyadakı səfiri Yevgeni Perebiynis məlumat verib. “Bu, indi Rusiya səfirliyinin Praqadakı rəsmi ünvanıdır – “Ukrayna Qəhrəmanları-36”, – səfir deyib. Xatırladaq ki, martın sonunda Praqa şəhər şurası Rusiya səfirliyinin yerləşdiyi küçənin adının dəyişdirilərək “Ukrayna Qəhrəmanları” olması barədə qərar qəbul edib.
Səfir onu da qeyd edib ki, bu küçədəki körpüyə Ukrayna qəhrəmanı Vitali Skakunun adı veriləcək. Skakun fevralın 24-də rus işğalçılarının qaeşısını kəsmək üçün Geniçeskdəki körpünü öz həyatı bahasına partlatmışdı.
Azpost.info
