Rusiya Baş Prokurorluğu “Transparency International” beynəlxalq qeyri-hökumət təşkilatının ölkədə fəaliyyətini arzuolunmaz elan edib.
Azpost.info xəbər verir ki, təşkilatın adı Rusiya Ədliyyə Nazirliyi tərəfindən xarici agentlər siyahısına daxil edilib.
Baş Prokurorluqdan bildirilib ki, qurumun fəaliyyəti açıq şəkildə bəyan edilmiş məqsəd və vəzifələrdən kənara çıxır:
“Daxil olmuş materialların tədqiqinin nəticələrinə əsasən, Rusiya Baş Prokurorluğu mərkəzi ofisi Berlində yerləşən və xarici dövlətlərin vətəndaşları tərəfindən idarə olunan “Transparency International” təşkilatının fəaliyyətinin ölkədə arzuolunmaz hesab edilməsi barədə qərar qəbul edib. Müəyyən edilib ki, bu qurumun fəaliyyəti açıq şəkildə bəyan edilmiş məqsəd və vəzifələrdən kənara çıxır. Formal olaraq bütün dünyada korrupsiyaya qarşı mübarizə aparan təşkilat kimi fəaliyyət göstərən qurum Rusiyanın daxili işlərinə müdaxilə edir. Bu da Rusiyanın konstitusiya quruluşunun əsaslarına və təhlükəsizliyinə təhlükə yaradır”.
Azpost.info
