Ukrayna limanlarında təxminən dörd milyon yarım ton taxıl bloklanıb. Rusiyanın işğalı ilə dəniz yollarının bağlanması üzündən məhsullar ixrac oluna bilmir.
Azpost.info DPA Agentliyinə istinadən bildirir ki, bu barədə BMT-nin Ümumdünya Ərzaq Proqramının nümayəndəsi Martin Frik deyib.
Müharibə başlamazdan əvvəl Ukrayna dünyanın ən böyük buğda ixracatçılarından biri və qarğıdalı istehsalçısı idi. BMT qeyd edir ki, bir çox ölkələr Ukrayna buğdasının tədarükündən asılıdır. “Aclıq silah kimi istifadə olunmamalıdır”.-deyə Frik bildirib.
O, qlobal ərzaq böhranını yüngülləşdirmək üçün Ukraynanın digər ölkələrə ərzaq tədarükünü bərpa etməyə çağırıb.
Qərb ölkələri dəfələrlə Rusiya və Ukrayna arasındakı müharibə səbəbindən bir sıra ölkələrdə mümkün ərzaq böhranı və aclıq barədə xəbərdarlıq ediblər. Bu dövlətlərin hər ikisi taxıl ixracatçıları arasında liderdir.
