“Rusiya uzunmüddətli müharibəyə hazırlaşır”.
Azpost.info xəbər verir ki, bunu Ukrayna Müdafiə Nazirliyinin Baş Kəşfiyyat İdarəsindən bildiriblər.
İdarə rəsmiləri qeyd edirlər ki, Moskvanın Ukraynada müharibəni davam etdirmək üçün bütün hərbi resursları cəlb etmək cəhdləri və bu yaxınlarda Rusiya Silahlı Qüvvələrinin Baş Qərargah rəisi Gerasimovun işğalçı qüvvələrin yeni komandanı təyin edilməsi təkcə Rusiyanın hərbi uğursuzluqlarına dəlalət etmir. Həm də işğalçının genişmiqyaslı uzunmüddətli müharibəni davam etdirməyə hazırlığından xəbər verir.
“Rusiya iqtisadiyyatının və hərbi-sənaye kompleksinin yenidən təşkili üçün Putinin gördüyü tədbirlər Rusiyanın hərbi vəziyyətə keçməsinə hazırlıqdan xəbər verir. Onlar Rusiya Silahlı Qüvvələrinin potensialını gücləndirməyə və əməliyyatların keçirilməsi üçün şərait yaratmağa yönəlib”, – məlumatda deyilir.
Azpost.info
