Rusiya Xarici İşlər Nazirliyi Ermənistan və Azərbaycanı Laçın dəhlizi ərazisində münaqişənin kəskinləşməsi şəraitində təmkinli olmağa və atəşkəs rejiminə riayət etməyə çağırıb.
Azpost.info xəbər verir ki, müvafiq bəyanat Xarici İşlər Nazirliyinin saytında dərc olunub.
“Mövcud ziddiyyətlərin nizamlanması yalnız siyasi və diplomatik vasitələrlə, tərəflərin mövqeləri nəzərə alınmaqla və Rusiya, Azərbaycan və Ermənistan liderlərinin 9 noyabr 2020-ci il tarixli bəyanatının müddəalarına ciddi şəkildə uyğunlaşdırılmaqla gerçəkləşdirilməlidir”, – məlumatda deyilir.
Rusiya XİN qeyd edib ki, tərəflərin səyləri üçtərəfli danışıqlar formatları çərçivəsində Bakı və İrəvan arasında münasibətlərdə müsbət gündəliyin formalaşmasına köklənməlidir.
Azpost.info
