Rusiya prezidenti Vladimir Putin Təhlükəsizlik Şurasının daimi üzvləri ilə operativ iclas keçirib.
Azpost.info xəbər verir ki, bu barədə Kremlin sözçüsü Dmitri Peskov məlumat verib.
Onun sözlərinə görə, Rusiya prezidenti Təhlükəsizlik Şurasının üzvləri ilə Qarabağdakı vəziyyəti, eləcə də türkiyəli həmkarı Rəcəb Tayyib Ərdoğanla gözlənilən görüşü müzakirə edib.
“Qarabağdakı vəziyyət müzakirə edilib, üçtərəfli sazişin bütün müddəalarının təcili həyata keçirilməsinin zəruriliyi vurğulanıb”, – Peskov deyib.
O həmçinin bildirib ki, görüş iştirakçıları avqustun 5-də Soçidə keçiriləcək Rusiya-Türkiyə danışıqları ilə bağlı fikir mübadiləsi aparıblar: “Söhbət, Rusiya və Türkiyə arasında ən yüksək səviyyədə aparılan danışıqlardan gedir”.
Kreml sözçüsü qeyd edib ki, görüşdə Rusiyanın sosial-iqtisadi inkişafına dair məsələlər də müzakirə olunub.
Azpost.info
