Rusiya həbsxanalarında məhkumların sayı azalaraq 266 min nəfər düşüb.
Azpost.info xəbər verir ki, bunu Rusiya ədliyyə nazirinin müavini Vsevolod Vukolov deyib.
“Əgər on il əvvəl həbsxanadakı kontingentimiz demək olar ki, 700 min nəfərə çatırdısa, indi cəzacəkmə müəssisələrində 266 minə yaxın insan var”, – o qeyd edib.
“Mediazona”nın yazdığına görə, Vukolovun bəyanatı Rusiya həbsxanalarında məhbusların sayı ilə bağlı ilk ictimai bəyanatdır. Buna qədər Penitensiar Xidmət “Vaqner”in məhkumları döyüşə cəlb etməsi fonunda bu statistikanı dərc etməyi dayandırmışdı.
Nəşr qeyd edir ki, məhbusların sayında kəskin azalma 2022-ci ilin ikinci yarısında – “Vaqner”in məlum təşəbbüsünün başladığı vaxt baş verib. Ötən ilin sentyabr və oktyabr aylarında 23 min məhbus birdən-birə yoxa çıxıb. 2022-ci ilin sonunda isə azalma 32 min nəfər təşkil edib. Ümumilikdə, bu müddət ərzində məhkumların sayı 54 min nəfər azalıb.
Azpost.info
