Rusiyada təhsil işçiləri uzun illərdən sonra ilk dəfə olaraq maaş problemi ilə üzləşiblər.
Azpost.info xəbər verir ki, bunu “Rosstat”ın ölkədəki sosial-iqtisadi vəziyyətlə bağlı hesabatından ortaya qoyur.
2023-cü ilin fevral ayının əvvəlinə dövlətin müəllimlərə borcu əvvəlki ayla müqayisədə 12 dəfə artaraq 162 milyon rubla çatıb.
Bütün sahələr üzrə ümumi əməkhaqqı borcları fevralın əvvəlinə 799 milyon rubla çatıb ki, bu da yanvar ayı ilə müqayisədə 24 faiz çoxdur. Demək olar ki, 19 min işçinin maaşı gecikdirilib. Yanvarda bu rəqəm 8,3 min idi.
Dövlət tərəfindən sosial öhdəliklərin yerinə yetirilməməsi Rusiyanın artan büdcə kəsiri fonunda baş verir. 2023-cü ilin yanvar-fevral aylarında Maliyyə Nazirliyinin ilkin məlumatlarına görə, bu, 2,581 trilyon rubl olub.
Büdcə problemləri xüsusən də neft və qaz satışından gələn gəlirlərin azalması ilə bağlıdır. İlkin hesablamalara görə, bu gəlirlər yarıya qədər azalıb.
Maliyyə Nazirliyi bunu ilk növbədə “Urals” neftinin qiymətinin aşağı düşməsi və təbii qaz ixracının azalması ilə izah edir.
Azpost.info
