Ukraynaya genişmiqyaslı işğalın başlamasından sonra Rusiyanı tərk etməyən “dost olmayan” ölkələrin şirkətləri “müharibə vergisi” şəklində 70 milyard rubla qədər pul ödəyəcək.
Azpost.info xəbər verir ki, Rusiya hökuməti bu vergini 1 milyard rubldan çox qazanan şirkətlərdən tələb edir. Artan federal büdcə kəsiri səbəbindən tələb olunan “müharibə vergisi” də “dost olmayan” ölkələrin şirkətləri tərəfindən ödənilməli olacaq.
Hesablamalara görə, Qərb şirkətlərinin yalnız 7 faizi (241) Rusiyanı tamamilə tərk edib. 10 faizi fəaliyyətini dayandırıb, 41 faizi isə əvvəlki kimi işləməyə davam edir. Şirkətlərin yalnız üçdə biri fəaliyyətlərinin bir hissəsini azaldıb və ya yeni investisiyaları dayandırıb.
Azpost.info
