Rusiyada qismən səfərbərlik haqqında Sərəncamın detalları məlum olub.
Azpost.info xəbər verir ki, sənədi Kreml dərc edib.
Sərəncama əsasən, qismən səfərbərlik dövründə şəxs yaşa, sağlamlıq vəziyyətinə görə və məhkəmənin azadlıqdan məhrumetmə hökmü ilə hərbi xidmətdən xaric oluna bilər.
Hərbi sənaye kompleksi müəssisələrində çalışan vətəndaşlar səfərbərliyə çağırışdan möhlət hüququ əldə edirlər.
Qubernatorlara hər bir rayon üzrə Müdafiə Nazirliyinin müəyyən etdiyi miqdarda və müddətdə səfərbərliyə çağırışı təmin etmək tapşırılıb.
Qeyd edək ki, Rusiyada qismən səfərbərlik sentyabrın 21-dən başlayır.
Rusiya prezidenti Vladimir Pitin xalqa bügünkü müraciətində bildirdi ki, yalnız hazırda ehtiyatda olan, ilk növbədə Silahlı Qüvvələrdə xidmət etmiş, müəyyən hərbi ixtisaslara və müvafiq təcrübəyə malik olan vətəndaşlar hərbi xidmətə çağırılacaqlar. Hərbi xidmətə çağırılanlar bölmələrə göndərilməzdən əvvəl xüsusi təyinatlı hərbi əməliyyat təcrübəsi nəzərə alınmaqla, mütləq əlavə hərbi hazırlıq keçəcəklər.
Azpost.info
