“Moskva İrəvandan Ermənistan baş naziri Nikol Paşinyanın təhlükəsizlik münasibətlərinin şaxələndirilməsi zərurəti haqqında danışarkən nəyi nəzərdə tutduğuna dair açıqlama gözləyir”.
Azpost.info xəbər verir ki, bunu Kremlin sözçüsü Dmitri Peskov bildirib.
O, Ermənistan liderinin “The Wall Street Journal”a müsahibəsini belə şərh edib. Lakin Peskov qəzeti ilkin mənbə kimi qəbul etmək istəmədiyini də vurğulayıb.
“Rusiya və Ermənistanın qəzetlər, xüsusən də “Wall Street Journal” vasitəsilə əlaqə saxlaması yaxşı deyil. Ona görə də biz erməni dostlarımızla söhbəti, dialoqu davam etdiririk və davam etdirəcəyik. Bizim çox geniş gündəliyimiz var”, – Peskov qeyd edib.
Paşinyan “Wall Street Journal”a açıqlamasında Rusiya hərbi bazalarının Ermənistan ərazisində olmasının heç bir üstünlüyü olmadığını deyib. O qeyd edib ki, İrəvan yeni tərəfdaşlar axtarır, çünki Moskva müttəfiqlik öhdəliklərini yerinə yetirə bilməyib.
Paşinyan əlavə edib ki, Qarabağda baş verən son hadisələrdən sonra İrəvan təhlükəsizlik münasibətlərini şaxələndirmək qərarına gətirib.
Azpost.info
