Rusiyanın Kaluqa və Smolensk rayonlarna PUA hucumları olub.
Azpost.info-nun məlumatına görə, Kaluqanın qubernatoru Vladislav Şapşa Telegram-da bildirib ki, vilayətin Kirovski rayonunda iyunun 2-də səhər saatlarında meşəyə naməlum obyekt düşüb, bundan sonra partlayış baş verib.
Ölən və ya xəsarət alan olmayıb. O, baş verənlərlə bağlı başqa təfərrüat açıqlamayıb.
Həmçinin gecə saatlarında Smolensk vilayətinin iki rayonunda – Poçinkovski və Smolenskidə yanacaq-energetika kompleksinin iki obyekti dronların hücumuna məruz qalıb. Qubernator vəzifəsini icra edən Vasili Anoxinin sözlərinə görə, ölən, xəsarət alan və ya “kritik dağıntı” yoxdur.
SHOT teleqram kanalı yazıb ki, Smolensk vilayətində partlayışlar qazpaylayıcı və neft emalı stansiyalarında baş verib. Teleqram kanalının məlumatına görə, birinci obyektdə emalatxananın binasına qismən, ikinci obyektdə isə yanğının söndürülməsi üçün su olan konteynerə ziyan dəyib.
Ötən gecə pilotsuz təyyarə Kursk vilayətinin Sudjanski rayonunun Qoqolevka kəndindəki elektrik yarımstansiyasına bomba atıb, kənd sakinləri işıqsız qalıb. Gecədə qubernator Roman Starovoit hava hücumundan müdafiə qüvvələrinin Kursk yaxınlığında bir neçə Ukrayna pilotsuz təyyarəsini vurduğunu bildirib.
Azpost.info
