Qızıl
Rusiyanın ehtiyatlarında qızılın payı 1995-ci ilin qışından bəri ən yüksək səviyyəyə yüksəlib və ümumi dəyəri 300 milyard dollara yaxınlaşıb.
AzPost bildirir ki, bu barədə Rusiya Mərkəzi Bankının təhlilində deyilir.
Qızıl investisiyaları 6,2 faiz artaraq Rusiyanın müasir tarixində rekord həddə – 299,8 milyard dollara çatıb. Bu rəqəm ardıcıl üçüncü ay rekord artım deməkdir.
Ay ərzində qiymətli metalın payı 39,6%-dən 41,3%-ə yüksəlib. Bu, 1995-ci ilin fevral ayından bəri ən yüksək səviyyədir. O zaman qızılın dəyəri cəmi 5,5 milyard dollar olsa da, ehtiyatların 43,9%-ni təşkil edirdi.
Qızılın ən yüksək payı 1 yanvar 1993-cü ildə 56,9% ilə qeydə alınıb. Ən aşağı səviyyə isə 2007-ci ilin iyun ayında, cəmi 2,1% ilə qeydə alınıb.
