Rusiyada Tümen Hava Limanının gömrük işçiləri Bakıdan gələn sərnişindən 20 bağlama və ya 1000 ədəd anesteziya inyeksiyası müsadirə ediblər.
AzPost bildirir ki, bu barədə “Tumenskaya liniya” portalı məlumat yayıb.
29 yaşlı Tümen sakini izah edib ki, iynələri diş həkimi işləyən və xəstələr üçün anesteziya kimi istifadə edən qohumu üçün alıb.
Gömrük işçiləri Rusiya İnzibati Xətalar Məcəlləsinin 16.2-ci maddəsinin 1-ci hissəsi ilə inzibati iş açıb, malları müsadirə edib və müayinə üçün göndəriblər.
“Avrasiya İqtisadi Birliyinin (AAİB) gömrük sərhədindən keçərkən şəxsi istifadə üçün nəzərdə tutulan mallar sahibkarlıq fəaliyyəti ilə əlaqəli olmayan şəxslərin şəxsi ehtiyacları üçün nəzərdə tutulan mallar kimi müəyyən edilir. Vətəndaşın idxal etdiyi dərmanlar kommersiya məqsədləri üçün istifadə edildiyi üçün bu kateqoriyaya aid edilə bilməz”, – Tümen Gömrük İdarəsinin Roşçino Hava Limanı gömrük postunun rəisi Aleksandr Xmelev bildirib.
Məhkəmə qərarı ilə 74.000 rubl dəyərində olan iynələr müsadirə edilib və federal mülkiyyətə verilib.
