“ABŞ və Yunanıstan Ukrayna xalqını dəstəkləmək üçün bir yumruq kimi dayanmalı, Putinin cavab verməsi üçün Rusiyaya ağır iqtisadi zərbə vurmalıdır”.
Azpost.info xəbər verir ki, bunu ABŞ prezidenti Co Bayden Ağ Evdə Yunanıstanın baş naziri Kiriakos Mitsotakislə görüşündə deyib.
Onun sözlərinə görə, ABŞ və Yunanıstan demokratiyanı təhdid edildiyi hər yerdə birlikdə müdafiə edəcək. Bayden K.Mitsotakisə cəsarətinə və aydın mövqeyinə görə təşəkkür edib.
Xatırladaq ki, mayın 13-də Yunanıstan parlamenti regionda ABŞ hərbi qüvvələrinin genişlənməsinə imkan verən düzəlişləri təsdiqləyib. Qarşılıqlı müdafiə əməkdaşlığı sazişinə dəyişikliklərin lehinə 181, əleyhinə 119 deputat səs verib.
Azpost.info
