Rusların təxminən 83 faizi özlərini dindar hesab edir. Bu, dörd il əvvələ nəzərən 17 faiz çoxdur.
AzPost bildirir ki, bu barədə Ümumrusiya İctmai Rəyi Öyrənmə Mərkəzinin (VSİOM) məlumatında deyilir.
Rəy soruğunsa görə, respondentlərin 72 faizi kilsəyə gedir. 18 faiz isə müntəzəm olaraq kilsəni ziyarət edir. Tədqiqat iştirakçılarının fikrincə, əgər beş il əvvəl dini inanc özünü dindar hesab edənlərin 55 faizinin gündəlik həyatda kömək edirdisə, bu gün bu, 62 faizdir.
Qurumin eksperti Mariya Qriqoryevanın sözlərinə görə, insanların dinə marağının təkcə aşkar artımı deyil, həm də onun dünyagörüşü amili, fərdin mədəni kodu və mənəviyyat amili kimi güclənməsi müşahidə olunur.
“Əgər 2000-ci illərdə və 2020-ci ilə qədər dinin ictimai şüura təsirinin artım dinamikası orta dərəcədə tədricən idisə, son dörd ildə imana marağın artımı nəzərəçarpacaq dərəcədə artıb. Pravoslavlığa maraq xüsusilə 24-35 yaşlı gənclər arasında artır. Gənclər özlərini pravoslav mədəniyyəti və ənənələri ilə eyniləşdirirlər, 24 yaşdan kiçik qrup isə kəmiyyət baxımından fərqlənir, Lakin 24 – 35 yaşa qədər olan qrup kilsəyə pravoslav ənənəsinə əsaslanan mədəniyyətin tərkib hissəsi kimi hörmət edir”-deyə ekspert vurğulayıb.
Qriqoryeva həmçinin dini ədəbiyyata ictimai marağın təxminən 2017-ci ildən artdığını, 2023-cü ildən isə gücləndiyini qeyd edib. Bununla yanaşı insanların dini ayinlərə sadiqliyi nəzərəçarpacaq dərəcədə aşağıdır. Belə ki, Pasxa və Milad bayramlarını respondentlərin 45%-i qeyd edir. Müqəddəs mərasimləri bilmək və onlara riayət etmək, kilsələrə kömək etmək və oruc tutmaq kimi əməllərə dindarların 6-11% -i əməl edir.
“Gənclər arasında dini kimliyin 25 faizdən 45 faizə qədər artması əsaslı dəyişikliklərin sensasion simptomudur”, – Sosial Tədqiqatlar üzrə Ekspert İnstitutunun (IESI) layihələrinin rəhbəri Vladimir Şapovalov deyir. “Bu, çox şeyi izah edir. Çətinlik dövründə, lokal müharibələrin və ideoloji qarşıdurmaların artması zamanı gənc nəsil – təxminən 35 yaşlı gənclər imanla, əcdadlarının ənənəvi dəyərlərinə əməl etməklə çətin anlardan sağ çıxmaq və ya ideoloji və ya digər dəyər böhranından çıxış yolu tapmaq şansı görürlər”.
