Ermənistan Azərbaycana sərhədin delimitasiyası ilə bağlı iki variant təklif edib, lakin Bakı onları qəbul etməyə meylli deyil.
Azpost.info xəbər verir ki, bunu Ermənistan Baş naziri Nikol Paşinyan hökumətin iclasında çıxışı zamanı bildirib.
Onun sözlərinə görə, delimitasiya ya bütün sərhəd boyu, ya da hər bir hissə üçün ayrıca aparıla bilər.
Baş nazir deyir ki, Bakı hər iki təklifdən imtina edir: “Biz təklif edirik ki, qoşunlar bugünkü mövqelərdən geri çəkilsin, sərhədi yerdə və xəritədə təkrar etmək və iki ölkənin qoşunlarını bu sərhəddən çıxarmaq lazımdır. Sərhəd bərpa olunandan sonra sərhəd xəttinin o biri tərəfində qoşunların olduğu üzə çıxarsa, onları geri çəkmək lazımdır. İkinci variant delimitasiyanı hər bir hissə üçün ayrıca aparmaqdır. Bakı bu variantla da razılaşmır”.
Azpost.info
