Səudiyyə Ərəbistanı ABŞ-ın İsraillə münasibətləri normallaşdırmaq planlarını təxirə salır.
Azpost.info bildirir ki, bu barədə “Reuters” xəbər yayıb.
Ər-Riyadın planları ilə tanış olan iki mənbə Agentliyə bildirib ki, Səudiyyə Krallığı İsrail və Fələstinin Həmas qruplaşması arasında müharibənin şiddətləndiyi bir vaxtda ölkənin xarici siyasət prioritetlərini tez bir zamanda yenidən nəzərdən keçirməyə qərar verib.
Münaqişə həm də Səudiyyə Krallığını İranla əlaqə saxlamağa sövq edib. Səudiyyə Ərəbistanının vəliəhd şahzadəsi Məhəmməd bin Salman ilk dəfə İran prezidenti İbrahim Rəisi ilə telefonla danışıb.
Hər iki mənbə Reuters-ə bildirib ki, ABŞ-ın dəstəklədiyi İsraillə normallaşma danışıqları təxirə salınacaq.
Oktyabrın 7-də HƏMAS İsrailə qarşı hücumuna qədər İsrail və Səudiyyə liderləri Yaxın Şərqdəki vəziyyəti dəyişdirə biləcək razılaşmaya doğru davamlı şəkildə irəlilədiklərini söyləyirdilər.
Azpost.info
