Şahzadə Diananın ölümündən az əvvəl geyindiyi paltar “Sotheby`s” hərrac evində 604,8 min dollara satılıb.
Azpost.info xəbər verir ki, bu, hərrac tarixində bir paltar üçün verilən rekord məbləğdir.
CNN-in məlumatına görə, ilkin olaraq paltar 120 min dollar dəyərində qiymətləndirilib.
Viktor Edelşteyn tərəfindən hazırlanmış bənövşəyi rəngli məxmər paltar 1989-cu ilin payızında buraxılmış kolleksiyanın bir hissəsidir. Bu paltarda Diana 1991-ci ildə britaniyalı rəssam Duqlas Hardinq Andersonun portreti, həmçinin ölümündən bir ay əvvəl 1997-ci ilin avqustunda “Vanity Fair” jurnalı üçün pozalar verib.
Diananın məxmər paltarının hərraca çıxarılması ilk dəfə deyil. Paltar 1997-ci ildə, şahzadənin ölümündən sonra daha 80 paltarla birlikdə 24 min dollara satılmışdı. Satışdan əldə olunan gəlir xeyriyyə işlərinə sərf olunmuşdu.
Azpost.info
