Samir Şərifov bu vəzifəyə təyin edilib.
BMT-nin iqlim dəyişmələri üzrə çərçivə konvensiyasına uyğun Azərbaycan Respublikasının qəbul etdiyi öhdəliklərin yerinə yetirilməsinin təmin edilməsi üçün yaradılan Dövlət Komissiyasının sədri dəyişib.
AzPost xəbər verir ki, Prezident İlham Əliyev bununla bağlı Fərman imzalayıb.
Bu vəzifədə Baş nazirin sabiq müavini Əli Əhmədovu Baş nazirin müavini Samir Şərifov əvəzləyib.
Samir Şərifov bu vəzifəyə təyin edilib.
Xatırladaq ki, Prezident İlham Əliyevin yanvarın 10-da imzaladığı Sərəncamla maliyyə naziri Samir Şərifov vəzifədən azad olunub. O, 2006-cı ildən adıçəkilən vəzifədə çalışırdı. Dövlət başçısının digər sərəncamı ilə S.Şərifov Baş nazirin müavini təyin olunub.
Prezident İlham Əliyev fevralın 5-də imzaladığı Sərəncamla ekologiya və təbii sərvətlər naziri Muxtar Babayev tutduğu vəzifədən azad edilib. O, 2018-ci ildə nazir vəzifəsinə gətirilmişdi. Dövlət başçısının digər sərəncamı ilə M.Babayev Prezidentin İqlim məsələləri üzrə xüsusi nümayəndəsi təyin olunub.
