Serbiya prezidenti Aleksandr Vuçiçlə Kosovo Baş naziri Albin Kurti arasında aparılan danışıqlar nəticəsiz başa çatıb.
Azpost.info xəbər verir ki, bu barədə “Blic” qəzeti məlumat yayıb.
Məlumata görə, Serbiya lideri noyabrın 21-də vətəndaşlara müraciət etməyə hazırlaşır.
“Serbiya təklif olunan qərarı qəbul edə bilməzdi. Üstəlik, bu, Brüssel razılaşmalarına zidd idi. Görünür, bizi çətin və qeyri-müəyyən günlər gözləyir. Xüsusən də Kosovonun şimalında və Metoxada”, – qəzetə danışan mənbə bildirib.
Avropa İttifaqının xarici işlər və təhlükəsizlik siyasəti üzrə Ali nümayəndəsi Jozep Borrel ötən həftə Serbiya və Kosovo arasında danışıqların aparıldığını açıqlayıb. Onun sözlərinə görə, ciddi böhrandan qaçmaq üçün tərəflər noyabrın 29-dək razılığa gəlməlidir.
Azpost.info
