Almaniya kansleri Olaf Şolts və ABŞ prezidenti Co Bayden martın 3-də Vaşinqtonda Ukraynaya dəstəyi müzakirə edəcəklər.
Azpost.info xəbər verir ki, bu barədə Almaniya Nazirlər Kabinetinin rəsmi nümayəndəsi Şteffen Hebeştrayt bildirib.
“ABŞ prezidenti və kansler Ukraynada yaxın aylarda işlərin necə gedəcəyini, müttəfiqlərin təşkil edə biləcəyi dəstəyi müzakirə edəcəklər. Liderlər arasında birbaşa və məxfi fikir mübadiləsinin olması vacibdir”, – Hebeştrayt deyib.
Qeyd edək ki, Şolts sabah axşam ABŞ-a işgüzar səfərə yola düşür. Martın 3-də Ağ Evdə onunla ABŞ prezidenti arasında danışıqlar keçiriləcək. Söhbətin əsas mövzusu Ukrayna münaqişəsi olacaq.
Azpost.info
