Son günlər baş verən hadisələr fonunda rusiyalı ekspertlər müdafiə naziri postunu prezident Vladimir Putinin keçmiş mühafizəçisi – Tula vilayətinin qubernatoru Aleksey Dyuminin tutacağını proqnozlaşdırırlar.
Azpost.info xəbər verir ki, ekspertlərə görə, Aleksey Dyuminin müdafiə naziri, general Surovikinin isə Baş Qərargah rəisi olması ehtimalı yüksəkdir.
“Lakin bu, dərhal baş verməyəcək ki, Şoyqu və Gerasimovun qiyamçıların tələbi ilə uzaqlaşdırıldığı barədə fikirlər olmasın”, – Kremlyönlü politoloq Sergey Markov bildirib.
“Deyəsən, Dyumin indi favoritdir”, – müxalifətçi politoloq Abbas Qalyamov Markovla razılaşır.
Bu gün Z-kanalları kütləvi şəkildə Tula vilayəti hökumətindən Dyuminin qeydiyyatdan keçmiş Tula batalyonunun yerləşdiyi yerə getdiyinə dair məlumatlar dərc edirlər.
“Vaqner”in qiyamı zamanı anonim Telegram kanalları Dyuminin Yevgeni Priqojinlə danışıqlarda iştirak etdiyini bildirmiş, lakin Tula hakimiyyəti bu xəbərləri təkzib etmişdi.
Qeyd edək ki, qiyamın əvvəlində Priqojinin əsas tələbi Şoyqu və Gerasimovun istefası olub.
Dyumin Putinin keçmiş mühafizəçisi və müdafiə nazirinin keçmiş müavinidir. “Meduza” mənbələri onu Priqojinin himayədarlarından biri adlandırıb. Priqojin və Dyumin uzun müddətdir ki, bir-birlərini tanıyırlar və mehriban münasibətdədirlər. Priqojinin siyasi strateqləri 2016-cı ildə Dyuminin seçki kampaniyasında iştirak ediblər.
Azpost.info
